ღვინის დეგუსტაცია „ღვინის მაღაზიაში ორბელიანი“ — შეიგრძენით ავთენტური ქართული ღვინის გემო

ღვინის დეგუსტაცია „ღვინის მაღაზიაში ორბელიანი“ — შეიგრძენით ავთენტური ქართული ღვინის გემო

თბილისის გულში, ორბელიანის მოედანზე მდებარე „ღვინის მაღაზია ორბელიანი“ გთავაზობთ უნიკალურ შესაძლებლობას — მონაწილეობა მიიღოთ ნამდვილი ქართული ღვინის დეგუსტაციაში, სადაც ტრადიცია, ავთენტურობა და სულიერი კულტურა შერწყმულია სითბოსა და სტუმართმოყვარეობასთან.

ჩვენი სტუმრებისთვის სპეციალურად ვატარებთ ღვინის დეგუსტაციებს, სადაც შეგიძლიათ დააგემოვნოთ ჩვენი წარმოების ნატურალური ჩამოსასხმელი ღვინოები, ასევე მცირე საოჯახო მარნეების ბოთლის ღვინოები, რომლებიც საქართველოში ყველაზე ავთენტური და იშვიათი ღვინოებია.

🍷 ჩვენს მიერ შექმნილი ჩამოსასხმელი ღვინოები

ჩვენს დეგუსტაციაზე დაგხვდებათ ნატურალური, ჩამოსასხმელი ღვინოები, რომელთა შექმნის პროცესში არ გამოიყენება ინდუსტრიული ფილტრები, იწრიტება ბუნებრივი გზით და ინარჩუნებს ვაზის ნამდვილი ხასიათის თითოეულ ტონს.

ჩვენი ჩამოსასხმელი ღვინოებია:

რქაწითელი – დამზადებული როგორც კახური, ასევე კლასიკური წესით;

ხიხვი – ქვევრის ტრადიციული ქართული მეთოდით;

ქვევრის კახური მწვანე;

ქისი და კახური მწვანის კუპაჟი – კლასიკური წესით;

საფერავი – 2022 წლის მოსავალი;

ციცქა–ცოლიკაური და კრახუნა – იმერული ღვინოები;

თეთრი და წითელი ნახევრად ტკბილი ღვინოები.

ჩვენი ყველა ღვინო წარმოადგენს ნატურალურ პროდუქტს, სადაც არ გამოიყენება ინდუსტრიული ფილტრები. ღვინო იწმინდება ბუნებრივი გზით და ინარჩუნებს ვაზის ნამდვილი ხასიათის თითოეულ ტონს. სხვა და სხვა ჯიშის ყურძნისგან შექმნილი ღვინო გვაძლევს საშუალებას ვიგრძნოთ მწიფე ხილის, ყვავილების, მწვანე ბალახის, მიწის და სხვა ბუნებრივი ტონები, ასევე რა თქმა უნდა ქართულ ღვინოსთვის დამახასიათებელი ტანინით გაჯერებული გემო და ხასიათი.

🍇 მცირე საოჯახო მეღვინეების უნიკალური ბოთლის ღვინოები

„ღვინის მაღაზია ორბელიანი“-ში ასევე წარმოდგენილია ბოთლის ღვინოები მცირე საოჯახო მარნეებიდან, რომელთა ნაწილი იმდენად იშვიათია, რომ წელიწადში სულ რამდენიმე ასეული ბოთლი იწარმოება. ზოგიერთი ღვინო კი მხოლოდ ჩვენს მაღაზიაში შეგიძლიათ დააგემოვნოთ და შეიძინოთ — ეს არის ავთენტური ქართული ღვინო, რომელიც გადმოსცემს ტერუარის სუნთქვას და ქართული მიწის ენერგიას.

🧀 დეგუსტაციის ატმოსფერო

ჩვენი დეგუსტაციები მოიცავს არა მხოლოდ ღვინის გემოს აღმოჩენას, არამედ ქართული კულტურის სიღრმის გაცნობას. თქვენ დააგემოვნებთ ღვინოსთან შესაფერის ყველის ასორტს, ასევე ტრადიციულ სნეკებს — ჩურჩხელა, ტყლაპი და სხვა ადგილობრივი ნუგბარები, რომლებიც იდეალურად ერწყმის ღვინოს.

დეგუსტაციას უძღვება პროფესიონალი სომელიე, რომელიც გაგაცნობთ ქართული ღვინის ისტორიას, ქვევრის ტრადიციას და კულტურულ მნიშვნელობას, რომელიც იუნესკომ 2013 წელს (8.COM) კაცობრიობის არამატერიალური კულტურული მემკვიდრეობის სიაში შეიტანა.

🏺 ქვევრის ტრადიცია — ქართული ღვინის სული

ქვევრი — კვერცხის ფორმის თიხის ჭურჭელია, რომელიც გამოიყენება ღვინის დასაყენებლად, დასაძველებლად და შესანახად. ქვევრის დამზადების ხელოვნება და ღვინის დაყენების ცოდნა საუკუნეების განმავლობაში გადაეცემა თაობიდან თაობას — ოჯახებში, მეზობლებსა და მეგობრებს შორის. ღვინის დაყენების პროცესი გულისხმობს ყურძნის დაწურვას და შემდეგ წვენის, კანიანად და ყურძნის ღეროებიანად, ქვევრში ჩასხმას. ქვევრი იხურება და მიწაში იმარხება, რათა ღვინომ ხუთიდან ექვს თვემდე ბუნებრივი დუღილი განიცადოს.

ქვევრის ღვინო განსაზღვრავს ქართული ცხოვრების წესს, იდენტობასა და კულტურას.

💫 ჩვენი ფილოსოფია

ღვინო საქართველოში წმინდა სასმელია. ჩვენთვის ღვინის ხარისხი და პატივისცემა ტრადიციისადმი წარმოადგენს უმთავრეს ღირებულებას. „ღვინის მაღაზია ორბელიანი“ აერთიანებს უმაღლესი ხარისხის ღვინოს, მიმზიდველ ფასებსა და გულწრფელ სტუმართმოყვარეობას — რომ ყოველი სტუმარი გახდეს ჩვენი ისტორიის ნაწილი.

ღვინის დეგუსტაციის დაჯავშნა შეგიძლიათ როგორც ჩვენი ვებგვერდიდან, ასევე ტელეფონით 📍 მისამართი: თბილისი, ორბელიანის მოედანი, ანტონ ფურცელაძის ქუჩა №16 📞 +995 599 224 407 🌐 www.orbelianiwinestore.ge