წითელი ღვინოები

წითელი, მშრალი ღვინო «მთვარის კოცნა» დამზადებულია კახეთში მოწეული საფერავის ჯიშის ყურძნისაგან. ფერმენტაცია გაიარა იტალიურ ამფორაში, სრულ ჭაჭაზე ექვსთვიანი დაყოვნებით.

დადუღების შემდეგ ღვინო თორმეტი თვის განმავლობაში ფრანგული მუხის კასრში ვარგდებოდა. ღვინო არის ალუბლისფერი შეფერილობის. ხასიათდება ქლიავის ჩირის, სანელებლებისა და შავი შოკოლადის არომატებით. გამოირჩევა სრული სხეულით, დაბალანსებული და ჰარმონიული გემოთი.

კომპანია „ეკლიპსეს" ღვინოები: „ეკლიპსეს" ღვინოები მზადდება კლასიკური ტექნოლოგიის გამოყენებით: ცივი მაცერაცია, დელესტაჟი, რემონტაჟი, ბარბოტაჟი, პიჟაჟი. ღვინის ალკოჰოლური ფერმენტაცია წარმოებს უჟანგავი ფოლადის რეზერვუარებში, რომლებსაც გააჩნიათ თერმოკონტროლი. ღვინის დავარგება ხდება საუკეთესო ფრანგულ მუხის კასრებში (Seguin Moreau) და იტალიურ ამფორებში (Artenova Terrecotte).

„სალომე" არის პირველი ქართული ღვინო რომელიც ბიო - და ბიოდინამიური მეთოდით მოწეული ყურძნისგანაა დამზადებული. სალომე მზადდება საფერავის ჯიშის ყურძნისგან.

ღვინო არასდროს შეხებია მეტალს, დუღილისთვის გამოყენებული იყო ფრანგული მუხის ჩანი, რომელიც სპეციალურად მხოლოდ ამ ღვინისთვისაა განკუთვნილი. ღვინის დამზადების ყველა პროცედურა მხოლოდ ხელით ტარდებოდა. 12 თვის განმავლობაში ღვინო ვარგდებოდა ფრანგული მუხის კასრებში, შემდეგ კი ბოთლებში.

„სალომე" დაჯილდოვდა ექვსი ოქროს და ერთი ორმაგი ოქროს მედლით საერთაშორისო პრესტიჟულ კონკურსებზე. ღვინო იწარმოება შეზღუდული რაოდენობით.

ღვინო « ყვარელი სპეციალური რეზერვი» ყვარლის სპეციფიკური ზონის საუკეთესო და ძველი ვენახიდან მზადდება. ყვარლის ტყიანი მთები და მცხუნვარე კლდეები, რომლებიც აღნიშნულ ვენახებს შემოსაზღვრავენ განსაკუთრებულ და განუმეორებელ მიკროკლიმატს ქმნიან, რაც საუკეთესო ხარისხის ღვინის წინა პირობაა.

რთველი: ხელით შერჩევითი კრეფა (მხოლოდ ჯანმრთელი მტევნები), ყურძნის ფიზიოლოგიური სიმწიფის დროს, ოქტომბერში წარმოებს. მოსავალი: 4,5 ტონა 1 ჰექტარზე.

ტექნოლოგია: კლასიკური დურდოზე დუღილი 6 კვირა, დუღილის შემდგომ დურდოზე გაჩერებით, შემდგომ ვაშლ-რძემჟავა დუღილი და 225 ლიტრიან კასრებში დავარგება მინიმუმ 24 თვის განმავლობაში. ღვინო ჩამოისხმება ყველანაირი დამუშავებისა და ფილტრაციისა გარეშე.

კომპანია „კონჭო": სიტყვა „კონჭო" ძველ ქართულად ნიშნავს ჯვარს და ფუძედ უდევს კონჭოშვილების გვარის აღმნიშვნელ სიტყვას. კონჭოშვილების ღვინის მარნის ისტორია იწყება 1737 წლიდან, როდესაც კახეთის მეფე თეიმურაზ მეორის ინოხმა, კახაბერ კონჭოშვილმა დააფუძნა მარანი, სადაც იწარმოება და რეალიზაცია უკეთდება ტრადიციულ კახურ ღვინოებსა და ჭაჭებს, რომელიც მე-20 საუკუნის ბოლომდე ფუნქციონირებდა ჯერ სოფელ საბუეში, შემდეგ ყვარელში.

ქვევრის წითელი მშრალი ღვინო დამზადებულია ქართლის მევენახეობის რეგიონში მოყვანილი შავკაპიტოს ჯიშის ყურძნისგან. ვენახის ასაკი 11 წელი, ყურძენი დაიწურა, დადუღდა და ბოთლებში ჩამოსხმამდე ვაგრდებოდა ქვევრში.

საშუალო შეფერილობის, წითელი ხილის, ყვავილებისა და სანელებლების არომატებით, ნაზი რბილი ტანინებით, ლიმიტირებული რაოდენობა 2000 ბოთლი.

საფერავის ჯიშისგან დაყენებული მუკუზანის წითელი, მშრალი ღვინო. არომატებში გვხვდება ალუბლის ჯემი და კენკროვანი ხილი. გამოზე ღვინო არის დაბალანსებული და ჰარმონიული.

ბრენდის ისტორია: კომპანია 6000 B.C. მცირე მარანია რომელიც 2020 წლიდან აწარმოებს პრემიუმ კატეგორიის ღვინოებს. ადგილწარმოშობის მიხედვით კომპანიის მთავარ ღვინის სახეობას "მანავის მწვანე" წარმოადგენს. კომპანია ასევე აწარმოებს როგორც კლასიკური (ევროპული), ასევე ტრადიციული (ქვევრი) ტექნოლოგიით დაყენებულ რქაწითელს, საფერავს და მუკუზანს. 2025 წლის 1 ივნისიდან კომპანიამ ბაზარზე გამოიტანა მწვანე ნახევრად ტკბილი ღვინო. კომპანიის მიზანია, ქართული ღვინისა და მიკროზონა მანავის პოპულარიზაცია/ცნობადობის ამაღლება, როგორც ადგილობრივ ასევე მსოფლიო ბაზარზე. გააცნოს და შეაყვაროს, ქართველ და უცხოელ საზოგადოებას, ქართული ღვინო და მისი მრავალფეროვნება.